بِسْمِ اللهِ الرَّحْمٰنِ الرَّحِيمِ
Фаластинни оёқ ости қилиш ва аҳлини ўлдириб қочқинга айлантиришда яҳудийларга шерик бўлган Британияни Фаластин маъмурияти раҳбарлари мақташмоқда!
Фаластин ташқи ишлар вазири Риёз Моликий Британия позициясини мақтаб, «Британия икки давлат барпо қилиш ечими, қонунийлик қарорлари ва халқаро қонунлар орқали тинчлик ўрнатишга қаратилган Фаластин масаласини қўллаб-қувватлайди ҳамда босқинчилик режалари қаршисида туриш учун бу масаланинг муҳимлигини қадрлайди», деди. У Фаластин масаласи дуч келаётган шиддатли ҳужумларга қарши туришда Британиянинг ролини ҳисобга олиб, уни Фаластин давлатини тан олишга чақирди.
Таъкидлаш лозимки, бу хусусда Ҳизб ут-Таҳрир – муборак Фаластин замини матбуот бўлими ўз сайтида баёнот чиқариб, унда қуйидагиларни таъкидлади:
«Бу режимнинг гумашталари тарихий ҳақиқатларни бузиб кўрсатишга, Британия позициясини эса, Фаластин масаласини қўллаб-қувватловчи қилиб талқин қилишга уринишяпти! Барча сиёсий макрларнинг «онаси» ҳамда Фаластинни оёқ ости қилиш ва аҳлини ўлдириб, қочқинга айлантиришда яҳудийларга шерик бўлган давлат мана шу Британия эканидан гўё ўзларини бехабар тутишяпти. Аниқки, бу гумашталар Британияга ялтоқлик қилиш билан хорлик ва расволикдан бошқа нарсага эришмайдилар. Фаластин режими ташкил топгандан буён Британияга ялиниб, ундан Бальфур декларацияси учун ҳеч бўлмаса узур сўраб қўйишни илтимос қилмоқда. Аммо Британия бу жинояткорлик декларацияси учун узр сўраш у ёқда турсин, ўз ёвузлиги ва димоғдорлигини давом эттириб, айни декларация қабул қилинганининг юз йиллигини нишонлади.
Фаластин аҳлининг истаги заҳриқотил молиявий грантлар ҳам, яҳудийлар хавфсизлигини ҳимоя қилувчи заиф Фаластин давлати ҳам эмас. Аксинча, ушбу аҳлимиз яҳудий вужудини илдизи билан қўпориб ташланишини, Британиянинг юртимизга чўзилган қўллари чопиб ташланишини истайди.
Роя газетасининг 2020 йил 23 декабр чоршанба кунги 318-сонидан
