بِسْمِ اللهِ الرَّحْمٰنِ الرَّحِيمِ
CEDAW конвенцияси Исломга қарши уруш ва муслима аёлни бузуқликка бошлашдир
Муслима Шомий (Умму Суҳайб)
Бирлашган Миллатлар Ташкилотининг хотин-қизлар масаласи бўйича Олий Комиссарияти тузган СEDAW (Хотин-қизларга нисбатан дискриминациянинг барча шаклларига барҳам бериш) конвенцияси, Исломнинг ижтимоий тузум ва эркак билан аёл муносабатлари билан боғлиқ аҳкомларига қарши энг хавфли воситалардан бири ҳисобланади. Унга Ислом оламидаги аксарият давлатлар имзо чекишган бўлиб, бу билан конвенция бандларини – бу бандлар динга ёки урф-одатларга мос келиши ё мос келмаслигидан қатъий назар – татбиқ қилиш мажбуриятини ўз зиммаларига олишган. Бу конвенция мазмуни эркак билан аёл ўртасида адоват муҳитини пайдо қилади ҳамда иккиси ўртасидаги ҳаётни гўё можароли, адолатсиз ва зулм ҳаёти деб ҳисоблайди.
Конвенция асосий эътиборни эркак билан аёл ўртасида мутлақ тенглик яратишга ҳамда аёлларга нисбатан барча турдаги камситишга барҳам беришга қаратади, шунингдек, эркак билан аёл ўртасидаги ҳар қандай зиддиятни аёл ва унинг ҳуқуқини камситиш, деб баҳолайди. Эркакнинг оила бошлиғи бўлиши ҳамда меросда бутун насиба эгаси эканлиги ва бошқа ҳуқуқларини аёл ва унинг ҳуқуқларини топташ, деб ҳисоблайди ва уни бекор қилишга чақиради!
Қуйида Аллоҳнинг аҳкомларига зид келган ва тузумлар, ахборот воситалари, феминистик ташкилотлар тарқатиб, татбиқ қилаётган конвенция бандларидан айримларини келтирамиз:
- СEDAWнинг ўн учинчи моддаси эркак билан аёл ўртасида оиладаги молия ва бошқа ютуқлар бўйича тенгликни, жумладан, меросдаги тенгликни ўз ичига олган. Бунда ота-оналардан фарзандларга қолган меросдан ўғил болалар билан қиз болалар баробар насибага эга бўлишади, агар хотин эрдан олдин ўлса, унинг эрининг молидаги улуши, эрнинг хотиндан мерос қилиб олган молига тенг бўлади ва шунга ўхшаш Ислом шариатининг очиқ бузилишлари.
- Ўн иккинчи моддасида эса, ҳеч қандай камситишсиз хотин-қизларга тўлиқ тиббий хизмат кўрсатилишини талаб қилиш айтилган. Шу жумладан, хотин-қизларни – уларнинг турмуш қурган ёки қурмаганликларидан қатъий назар – контрацептик восита (ҳомиладорликдан сақланиш моддалари) билан таъминлаш. Аёлларнинг турмуш қурган ёки қурмаганликларига эътибор бериш, конвенцияга кўра, номақбул камситишнинг бир туридир!! Бу эса, аёллар ўртасида фоҳишаликни кенг ёйиш ва уни қулайлаштириш, демакдир.
- Ўнинчи ва ўн биринчи моддаларда айтилишича, таълимда ва ўқув дастурларида, шу жумладан, спорт ва санъатда мутлақ тенглик берилиши керак!! Шунингдек, дискриминациянинг барча шаклларига, жумладан, билим юртларида ўқувчи йигитлар билан ўқувчи қизларнинг синфларини ажратишдан ҳамда идоралар ва ишхоналарда уларни алоҳида ажратишдан келиб чиқадиган барча турларига барҳам бериш кераклиги айтилган.
- Ўн тўртинчи моддада аёлларнинг, айниқса, қишлоқ жойларда, уйда бўлишига ҳамда она ва уй бекаси бўлиб қолишига барҳам бериш айтилган. Шунингдек, хотин-қизларга жамоат ишлари мўлжаллангани айтилган, бироқ бу шубҳали «жамоат ишлари» ҳақида очиқ айтилмаган.
- Ўн бешинчи моддада шариатнинг бузилиши жуда кўп. Масалан, тўртинчи абзацда хотин-қизларнинг ҳаракатланиш, сафар қилиш ва турар-жой эркинлигига эга экани, бунда эрнинг раҳбарлиги, эр ёки валийнинг рухсат бериш-бермаслиги эътиборга олинмаслиги айтилган. Учинчи абзацда, аёлларнинг гувоҳлиги қонун олдида эркакларнинг гувоҳлигига тенг, жазо-ҳадлари ва қасосда аёллар гувоҳлигини қабул қилиш айтилган. Шубҳасиз, бу Қуръони Каримдаги бир эркакнинг гувоҳлигининг икки аёлнинг гувоҳлигига тенглиги айтилган матнга зиддир.
Ўн олтинчи моддада никоҳ, ажрашиш, оила раҳбарлиги ва валийликда эркак билан аёлнинг ҳуқуқлари тенглиги айтилган. Юқорида айтганимиздек, бу конвенцияга мусулмон юртларининг кўпчилиги имзо чеккан. Шу жумладан, Фаластин режими ҳам 2014 йил унга имзо чекди ва Фаластиннинг шахсий ҳолатлар тўғрисидаги баъзи қонунларига айни конвенцияга мутаносиб равишда ўзгартириш киритиш билан конвеция бандларини татбиқ қилишда фаоллик кўрсатди. Оилани ҳимоя қилиш қонунида эса, ота-оналарнинг ўз фарзандлари тарбиясига оид асосий вазифаларига аралашилган ҳамда фарзандларни ота-оналарга итоат қилмасликка, ҳақорат қилишга ва оқ бўлишга тарғиб қилинган. Масалан, ўғил ўз отаси устидан шикоят кўтариб, уни қаматиши ажабланадиган ҳол бўлмай қолди, чунки агар оилани ҳимоя қилиш ташкилоти отанинг ўз фарзандига тарбия бериш жараёнида куч ишлатганини исботласа, уни жавобгарликка тортади.
Фаластин режими хотин-қизлар масаласи бўйича вазирлик, ижтимоий ривожланиш вазирлиги, ёшлар ва спорт олий кенгаши каби махсус муассасаларни тузди. У ерларда СEDAW конвенциясининг айрим бандларини татбиқ қилиш бўйича лойиҳа ва дастурлар ишлаб чиқмоқда. Шунингдек, бу режим Фаластин районларида «хотин-қизлар ривожланиши» каби бўлимларни ҳамда уларнинг жамиятларини мувофиқлаштириш бўйича «Алоқа», деб аталган марказларни очди… Зотан, Фаластин режими конвенцияга имзо чеккандан бошлаб, феминистик марказ ва ташкилотлар кўпайгандан кўпайди.
Фаластин режими ўқув дастурларига аралашиб, ўғил ва қиз ўқувчиларни ҳамма турдаги эркинликлардан фойдаланишга ҳамда уларнинг аралаш бўлишига тарғиб қилди. Ўқув дастурларида, оммавий ахборот воситаларида, тадбирлар ва ўқув қўлланмаларида репродуктив билим¹ материаллари яратди. Шу билан бир қаторда, ўзлари даъво қилишаётган «вояга етмаганлар никоҳи»га ёки «эрта турмуш қуриш»га қарши кураш дастурларини ишлаб чиқди.
Режим Ислом қадриятлари ва аҳкомларига зарба бериш учун Ғарб томонидан молиялаштирилувчи қирғинбарот ташкилотлар, марказ ва муассасаларга дарвозаларни ланг очиб берди. Айниқса, феминистик ташкилотлар ва марказларга кенг имкониятларни яратиб берди. Зотан, бузғунчи феминистик ташкилотлар ва марказлар, мактаб ва университетларда дастурлар, семинарлар, учрашувлар, тажриба дарслари, курслар, концертлар, фестиваллар, турли тадбирлар ўтказади, ҳатто уй бекалари билан ҳам шундай тадбирлар уюштирилишига эътибор беради. Кўнгиллилар фаолияти, дам олиш, бадиий ва мерос асарлари, «миллий» тадбирлар, марафон ва пойгалар уюштирилди. Ҳукумат буларни амалга оширишга маълум нарсани хотиралашни ёки маълум касалликка қарши эҳтиёткорликни оширишни дастак қилиб кўрсатди. Булар СEDAW ўнинчи моддасидаги бандни амалга ошириш ҳисобланиб, унда «спорт ва жисмоний тарбия машғулотларида иштирок этишда икки жинснинг тенг ҳуқуқлилигини таъминлаш» айтилган.
Яқинда бу режим никоҳ ёшини иккала жинс учун ҳам 18 ёшга белгилаш тўғрисида қонун чиқарди. Яъни, у бир томондан икки жинс ўртасидаги тўсиқни парчалаб, жинсий эҳтиёжни жиловсиз қўйса, иккинчи томондан, никоҳдан қайтармоқда! Бундан ҳам ёмон бузғунчилик, бузиш ва фаҳшга тарғиб қилиш бўлиши мумкинми?!
Биз режимнинг 2030 йилгача барқарор ривожланиш режаси ва унинг саккизта мақсади, деган нарсани қабул қилганини ҳам унутганимиз йўқ. Бу режа Ғарбнинг юртдаги таълим, мафкура ва маърифатга кўпроқ бурун суқишига имкон яратиш билан бирга, ривожланиш, деган ниқоб остида ўзининг СEDAW конвенциясини тиқиштиришига ёрдам беради. Зеро, буларнинг барчаси фаҳш ишларни кенг ёйиш ҳамда Ислом аҳкомларига қарши курашиш воситасидир.
Бошқача айтганда, бу СEDAW конвенцияси даъвочилари мусулмон оилани бузиш ва парчалаш, аёлни ўз дини, қадрияти, иффати, поклиги ва ҳаёсидан суғуришни кўзлашган. Аёлнинг оналик ва уй бекалик ролидан ҳамда ҳимоя қилиниш шарт бўлган номусидан ажратиб, оммавий ҳаётга-кўчага чиқариб юборишди. Буни хотин-қизларнинг шахсий эркинликлари ва ҳақ-ҳуқуқларини таъминлаш, сайловларда уларга квоталар бериш, иқтисодий, бадиий, мерос имкониятларини яратиш каби сохта даъволар билан амалга оширишяпти… ҳамда иқтисодий эҳтиёж, ишсизлик ва қашшоқликдан фойдаланишяпти. Шу билан бирга, эркак-аёл ўртасидаги муносабатларни ҳамда оилада эркакнинг раҳбарлиги ҳамда аёлнинг номуси, шарафи, ҳаёсини сақлаш ҳақидаги тушунчаларни ўзгартириб, эркак ва аёлларнинг аралаш юришларини кучайтиришга, икки жинс ўртасидаги тўсиқларни олиб ташлашга ҳаракат қилишяпти.
Яъни, бу – мусулмонларни Ғарбнинг ҳар қандай қадриятдан ҳоли бўлган бузуқ яшаш тарзини қабул қилишга мажбурлаш, демакдир. Мақсад, уларни Ислом ва ақидаларидан узиш ва шаръий аҳкомларга амал қилишларига йўл қўймасликдир. Зотан, Роббул оламин тузган ушбу шаръий аҳкомлар эркак-аёл ўртасидаги муносабатни тартиблаштириб қўйган. Бинобарин, оила ва жамиятни муҳофаза қилган. Аммо СEDAW даъвочилари жамиятни Исломдан узоқлаштиришни исташади, токи, шу орқали жамиятга ҳукмронлик қилишлари, уни ўзларининг ва малай ҳукмдорларининг назорати остида ушлаб туришлари осон бўлсин.
Бироқ Аллоҳнинг изни ила, бу фитналари асло амалга ошмайди ва албатта омадсизликка юз тутишади.
«Кофирлар сизни ҳибс қилиш ё ўлдириш ёки чиқариб юбориш учун сизга макр қилган пайтларини эсланг! Улар макр қилурлар, Аллоҳ ҳам «макр» қилур. Аллоҳ «маккор»роқдир» [Анфол 30]
¹ Репродуктив билим: жинсий алоқа, туғиш ва туғдириш, жинсий аъзолар ва уларнинг фаолияти ҳақидаги билимдир.
Роя газетасининг 2019 йил 27 ноябр чоршанба кунги 262-сонидан
