بِسْمِ اللهِ الرَّحْمٰنِ الرَّحِيمِ
Икки давлат ечими ҳам, аср битими ҳам фақат муборак замин масаласини йўқ қилишга қаратилган
Русиял Явм веб-сайти (ҳижрий 1440 йил 8 зул-қаъда, милодий 2019 йил 31 июл чоршанба куни) нашр қилган хабарда бундай дейилади:
«Иордания қироли Абдуллоҳ иккинчи Оқ уйнинг катта маслаҳатчиси, «аср битими»га масъул Жаред Кушнерга пойтахти Шарқий Қуддус бўлган ва 1967 йилги чегараларга асосланган мустақил Фаластин давлатини барпо этиш зарурлигини таъкидлади.
Баёнотга кўра, Иордания қироли «икки давлат ечими асосида адолатли, доимий ва кенг қамровли тинчликни амалга ошириш зарурлигини, шундай ечимгина пойтахти Шарқий Қуддус бўлган ва 1967 йил 4 июн чегаралари бўйича мустақил Фаластин давлати тикланишини таъминлашини таъкидлади. Ана шундагина араб давлатларининг тинчлик ташаббусига ҳамда халқаро қонунийлик тўғрисидаги тегишли резолюцияларга мувофиқ яҳудий вужуди билан биргаликда тинч тотув яшаш мумкинлигини билдирди».
Роя газетаси шарҳи:
Мусулмон юртларидаги қўғирчоқ режимлар Ғарб давлатларига Фаластин масаласини ҳал этиш учун «аср битими»ни танлов сифатида тақдим қилишяпти, ваҳоланки, бу битимдан муборак замин масаласини йўқ қилиш кўзланган. Гўё илгари АҚШ таклиф қилган икки давлат ечими Фаластинни озод этадигандай, унинг аҳлидан зулм ва адолатсизликни бартараф этадигандай. Бироқ икки давлат ечими бўйича, яҳудийлар учун муборак заминнинг 80 %идан воз кечилади ва бунинг муқобилида эса, Фаластин аҳлига яҳудий вужудини мудофаа қилиш ва арконларини мустаҳкамлашдан ўзга вазифани билмайдиган заиф давлатча тикланади.
Муборак Фаластин замини масаласининг шаръий ечими ҳаммага аён. Уммат тарихида бу ечим Салоҳиддин Айюбий ва Қутзлар қаҳрамонлигида, Ҳиттин ва Айн Жолут маъракаларида ўз аксини топган. Демакки, мусулмонлар армиялари ўз дини, Уммати ва муқаддас даргоҳи олдидаги бурчларини адо этиш учун дарҳол оёққа туриб, муборак заминни озод этмоқлари ҳамда яҳудий вужудини илдизи билан қўпориб ташламоғи даркор. Бу эса, Пайамбарлик минҳожи асосидаги рошид Халифалик давлатини барпо этиш билан амалга ошади. Ушбу давлат шаръий ечимлар ишлаб чиқиб, юртларимиздан босқинчи ва мустамлакачиларни супуриб ташлайди, шу орқали Умматни бошқа умматлар орасидаги юксак мавқеига қайта олиб чиқади, бутун башариятга раҳмат ва нур рисоласини етказувчи давлат сифатида ўз вазифасини қайта бошлайди.
Роя газетасининг 2019 йил 7 август чоршанба кунги 247-сонидан
