Америка инсоният душманидир! Унинг ёрдамлари инсонпарварлик эмас!

474
0

بِسْمِ اللهِ الرَّحْمٰنِ الرَّحِيمِ

Америка инсоният душманидир! Унинг ёрдамлари инсонпарварлик эмас!

Асъад Мансур қаламига мансуб

«Венесуэлаликлар АҚШ жорий қилган санкциялар оқибатида мисли кўрилмаган иқтисодий кризисга қараб кетаётганликларини кундан-кунга кўпроқ ҳис этмоқдалар. Бозор касод бўлиши, самолёт чипталари билан ёнилғи маҳсулотлари баҳосининг ошиши уларнинг кунлик ҳаётларига салбий таъсир кўрсатмоқда». Бу Франс-Пресс ахборот агентлигининг 2019 йил 13 июнда қилган хабаридан иқтибос.

Америка ўрмон қонунини қўллаяпти. Бу борада ҳақ зўрники бўляпти! У ўзини энг кучлиман деб билиб, истаганимни қиламан, бировларга истаганимни юклайман, деб ҳисоблаяпти. Ўз давлатида ва БМТда худди шу асосда қонун чиқаряпти. АҚШ ичкарисида ҳам сармоядорлар энг кучли кишилар ҳисобланиб, қонунларни ўзларига мос қилиб чиқаришяпти. Хавфсизлик Кенгашидаги энг кучли ҳам Америка бўлиб, у ўз фойдасига қарорлар чиқаряпти, бошқа давлатларни ўзига тиз чўктириш учун уларга истаганча бойкот ва қамаллар қўллаяпти. Масалан, 2003 йил Ироққа нисбатан қўллаб, кейин уни босиб олгани каби. Эронга нисбатан ҳам шундай йўл тутиб, уни 2015 йил ядровий дастури бўйича шартнома имзолашга мажбур қилди. Ўшанда 2015 йил 23 июнда Эрон президенти Руҳоний «Бу санкциялар Эрон жамиятида кўплаб муаммолар келтириб чиқарди», деган эди. Эронга яна санкциялар қўллаганда эса, Эрон валютаси инфляцияга юз тутиб, бу нарса иқтисодий муаммоларни келтириб чиқарди ва уни янги шартномаларни имзолашга мажбур қилди. Мана, бугун Америка шу зўравонлигини Фаластинга нисбатан қўллаяпти. Қочқинларга инсонпарварлик ёрдамларини тўхтатиб қўйиб, Фаластин аҳлини танг аҳволда қолдирмоқда. У ўзининг «Аср келишуви»га рози қилиш мақсадида яҳудийлар вужудини Фаластин молларини мусодара қилишга ундаяпти. Америка Фаластин аҳлига бу заминдан ва унинг дахлсизлигидан воз кечинглар, босқинчиликка рози бўлинглар, яҳудийларнинг Фаластинни босиб олганликларини тан олиб, уларнинг ҳукмронлиги ва зўравонлиги остида хор бўлиб, бой-бадавлат яшанглар, демоқда.

Ҳа, Американи одамларнинг қийинчилиги, касалликларга мубтало бўлишлари ҳамда очликка юз тутиб, ҳалок бўлишлари, буларнинг ҳеч бири ташвишлантирмайди… «Хор бўлиб бўлса ҳам яшашларинг учун менга таслим бўлиш», деяпти!

Венесуэлада ҳам Америка ўз сиёсатини зўрлаб ўтказмоқчи бўлиб, унга санкция белгилади. 2017 йил 25 августда Оқ уй «президент Трампнинг Венесуэладаги диктатор режимга қарши навбатдаги қаттиққўл молиявий санкцияни белгилаш тўғрисидаги қарорни имзолагани»ни эълон қилди. Кейин «диктатор Мадуронинг венесуэлаликларни озиқ-овқат ва тиббиёт молларига эга бўлиш ҳуқуқидан маҳрум этишда давом этаётгани»ни даъво қилди. Венесуэла Ташқи ишлар вазири санкцияларни «Юртимизга ўтган 200 йилдан бери бўлган энг ёмон душманлик амалиёти», дея сифатлади. Бу йил Америка Гуайдони Венесуэла президенти сифатида эътироф этиб, юртга нефть ва олтин қазиб олиш секторлари, мудофаа ва хавфсизлик хизматлари, пул айланмалари бўйича яна санкцияларни кучайтира бошлади. Ҳатто АҚШ банкларидаги Венесуэлага тегишли молларга ҳам қўл узатди. Оқибатда юртда нарх-наво ишониб бўлмайдиган даражада кўтарилиб кетди, ишсизлик нисбати бир неча баробарга ўсиб, миллионлаб фуқаро нон топиш учун хорижга иш излаб чиқишга мажбур бўлди.

Шунча қилмишлари ортидан яна Америка Колумбия орқали Венесуэлага озиқ-овқат ва дори-дармон воситалари билан инсонпарварлик ёрдамини жўнатмоқчилигини даъво қиляпти. Ана алдову мана алдов! Бу мустамлакачи давлат Венесуэлага санкциялар жорий қилиб, молларини мусодара қилиб, фуқаросини очликдан хорижга қочиб чиқишга мажбур қилади-да, кейин бўлса, бу юрт раҳбари диктатор, ўз халқини талаб, оч қўймоқда, дейди! Бу такаббурлик, беписандлик, уялмай ва қўрқмай ботил билан мақтанишнинг энг чўққисидир! Ҳозирда буни кўп давлатлар тушуниб қолган. Бироқ, Венесуэла режими Американинг унга нималар қилаётганига эътибор бермаяпти, эътироз билдирмаяпти, Америка манфаати учун унга эргашиб, озгина бўлса ҳам унга ялтоқлик кўрсатишга ҳаракат қиляпти, худди Европа қилаётгани каби. Америка эса, бу инсонпарварлик ёрдамларидан Венесуэла халқини қутқаришни ва уларга ёрдам беришни мақсад қилган эмас. Балки у ўзининг сиёсатини унга зўрлаб ўтказишни кўзлаган. Ҳатто АҚШда чиқадиган The Atlantic журнали 2019 йил 26 феврал кунги сонида айни ҳақиқатни тан олди. Журнал мухбири айни ёрдамларнинг Колумбияга етиб боришини кузатиб борар экан, «Америка инсонпарварлик ёрдамларини кўрсатиш орқали айни вазиятдан Венесуэла ишларига билвосита аралашишда фойдаланяпти, шу орқали президент Мадурони ағдариш учун халқ ва армияни кўтармоқчи», деди. Яна қўшимча қилди: «Лотин Америкасидаги аксар давлатлар АҚШнинг регионал ишларга аралашувидаги якуний натижага шубҳа билан қарашмоқда. Чунки тарихда Вашингтоннинг аралашуви фожиали аламли оқибатларни келтириб чиқарганлиги маълум. Унинг ўтган асрнинг етмишинчи йиллари социалист президент Сальвадор Альендега қарши нималар содир этганига, Пиночетнинг 27 йиллик ваҳший бошқарувига етакчилик қилганлигига далиллар жуда кўп. Бундан ташқари, Америка ўтган асрнинг саксонинчи йиллари Никарагуада инсонпарварлик ёрдамлари дастуридан фойдаланиб, сўлқанот ҳукуматга қарши курашаётган ўнгқанот жамоаларга 27 миллион долларлик қурол-яроғни яширинча етказиб берган, оқибатда бу қилмиши фуқаролар урушини келтириб чиқарган. 1989 йил Панамада АҚШ кучларининг Мануэль Норьени ағдариш учун олиб борган жанги юзлаб фуқароларнинг ҳалок бўлишига олиб келган».

Бу АҚШнинг Лотин Америкасидаги қора тарихига қисқа мисоллар, холос. Унинг инсонпарварлик ёрдамлари бошқа давлатлар ишига бурун суқишга баҳона бўлиш билан бирга, ваҳшиёна қотиллик ҳамдир. АҚШ қийинчиликларни келтириб чиқариш учун санкция ва қамаллар жорий қиляпти-да, сўнг – мен инсонпарварлик ёрдамлари кўрсатмоқчиман, деяпти. Ҳолбуки, айнан шу «инсонпарвар»нинг ўзи муаммоларга сабаб бўляпти, ўзи чиқарган муаммоларни ўзининг мустамлакачилик манфаатига мос қилиб ҳал қиляпти. Маълумки, Америка бу қитъага 1789 йил мустамлакачилик тамал тошини қўйиб, сўнг 44 йилдан сўнг мустамлакачилик урушини бошлаган. Кейин 1833 йил Никарагуага, 1835 йил Перу ва Мексикага уруш қилди, 1848 йил Мексикадан Техас, Калифорния ва Нью-Мексикани тортиб олди. Иккинчи марта яна 1857 йил Никарагуага, 1855 йил Уругвай ва Панама каналига уруш қилди. Кейин 1873 йил Колумбияга, 1898 йил Кубага уруш қилиб, Кубадан Гуантанамо кўрфазини тортиб олди. Бу кўрфазда бугун юзлаб мусулмон маҳбусларни тарихда мисли кўрилмаган жуда ёмон ваҳший ҳолатда ушлаб турибди». 1907 йил Гондурасга бурун суқиб, унинг олтита шаҳарини тортиб олди. 1914 йил Гаитига ҳаводан парашютчиларини ташлаб, Марказий банкдаги унинг ҳамма маблағини ўғирлади, кейин ўзини босиб олди. Американинг бу каби аралашувлари ҳамон давом этмоқда. Зотан, бу давлат биринчи рақамдаги мустамлакачи давлат бўлиб, йиртқичликда ўзининг инглиз ва европалик аждодларидан кам эмас.

У Лотин Америкасига ҳукмрон. Ўзининг сиёсатига эътироз билдирса, санкциялар жорий қилади, ишларига аралашади, қўзғолон ва инқилоблар келтириб чиқаради. Оқибатда, жанубий қитъани қолоқ, нотинч, ички низолару коррупцияга, қашшоқлик, очлик ва касалликларга ғарқ қитъага айлантирди. Бу қитъа озодлик ҳамда Америка мустамлакаси сиртмоғидан қутулиш йўлини тополмади. Чунки унда уйғониш мафкураси ҳам, уйғониш учун фаолият олиб борувчи фикрий ҳаракатлари ҳам йўқ. Социалистик мафкурани қабул қилган бир неча сўл қанот ҳаракатлар чиқди, аммо жамиятда ўзгариш қилишга ярамади, фикрларини татбиқ қилолмади. Чунки улар ҳокимиятга етиб бориши биланоқ Америка томонидан ағдарилди ёки ағдарилмай қолса ҳам туб ўзгариш эмас, ямоқ солиш ҳаракатини олиб боришди. Масалан, Венесуэлада Чавес ва унинг меросхўри Мадуро ҳаракати ҳам шундай бўлиб, ўзининг социалистик мафкурасини татбиқ қилиш қўлидан келмаяпти, бир қисмини татбиқ қилиб, қолганига капиталистик мафкурани татбиқ қиляпти ва шу билан режимда таъмирлаш ишлари кетяпти, холос. Шубҳасиз, бу на ўзгариш ясайди, на уйғониш ва на АҚШнинг ҳукмронлигию мустамлакасидан халос қилади.

Лотин Америкаси халқлари Америка мустамлакаси ва унинг золим капиталистик тузуми ботқоғидан чиқишга жуда муштоқ, барчалари бу борада аччиқ воқеликни тотмоқдалар. Социализм уларнинг халоскори бўлишга омади чопмади. Демак, бирдан-бир халоскор Ислом қолди. Аллоҳнинг дини узоқ асрлар давомида башариятни қутқариб келган. У пайтда ҳали капитализм ва унинг мустамлакачи давлатлари йўқ эди, ҳали ер юзида бузғунчилик тарқатиб, ҳўлу қуруқни баравар ёқмаган эди. Ҳа, Ислом фақат давлат мисолида кўзга кўринади. У исломий одил тузумни татбиқ қиладиган ва исломий рисолатни бутун оламга етказадиган Пайғамбарлик минҳожи асосидаги рошид Халифалик давлатида гавдаланади.

Роя газетасидан олинди

LEAVE A REPLY

Please enter your comment!
Please enter your name here