“Шимолий оқим-2”: санкция қўлланиладими?

555
0

“Шимолий оқим-2”: санкция қўлланиладими?

 “Foreign Policy” журнали 2019-йил, 13-май куни эълон қилган мақолада, Россиядан Германияга газ узатувчи “Шимолий оқим-2” газ қувури қурилишида иштирок этган Европа кемаларига қарши санкциялар қўллаш бўйича қонун лойиҳаси ишлаб чиқилди. Агар АҚШ сенати мазкур қонунни қабул қилса “Шимолий оқим-2” лойиҳасида қатнашган компанияларга нисбатан АҚШ томонидан сакциялар жорий қилиниши мумкин.

 Мақолада бундай дейилади: “Республикачи сенатор Тед Круз ва демократ-сенатор Жин Шахин тайёрлаган бу қонун лойиҳасига мувофиқ, санкциялар сув остидаги қувурларни ўрнатишда иштирок этган компанияларни қамраб олади, бу қувурлар Россия энергетик лойиҳаларининг бир қисми ҳисобланади. Асосий мақсад АҚШ билан Германиянинг жиддий қарама-қаршилигига сабаб бўлган “Шимолий оқим-2” қувурларига қаратилган”.

 Журнал бу масалада Американинг республикачилари ҳам, демократлари ҳам бир фикрда эканлигини айтмоқда: “Трамп Россия билан муносабатларни изига солишга урингани учун демократлар билан республикачилар ҳар доим зиддиятда бўлганига қарамай, “Шимолий оқим-2” масаласида улар бир фикрга келишди”.

 Германия ташқи ишлар вазири Хайко Маас АҚШнинг таҳдидларини танқид қилиб бундай деди: “Европа энергия сиёсати АҚШда эмас, Европада хал қилиниши керак… “Шимолий оқим-2” лойиҳасига қарши бир томонлама санкциялар қўлланиши – тўғри ечим эмас”.

 Бундан олдин ҳам Трамп Германияни мазкур газ лойиҳаси буйича огоҳлантириб келган. 2018-йил июл ойида бўлиб ўтган НАТО саммити олдидан Трамп бундай деган эди: “Германия Россияни бойитмоқда, у Россиянинг асири, у тўла Россия назорати остида. Германия Россияга газ учун йилига миллиардлаб доллар тўлайди, биз бўлса бу мамлакатни Россиядан ҳимоя қиляпмиз. Буни қандай тушиниш мумкин? Бу адолатсизлик”. Жавоб сифатида Германия канцлери Меркел бундай деган: “Германия ўзи қарор қабул қилувчи ўз сиёсатига эга… Биз Россиянинг ҳам, АҚШнинг ҳам асири эмасмиз”.

 Юқоридаги санкцияларга Туркия компаниялари ҳам дучор бўлиб қолиши мумкин, сабаби, бу қонун лойиҳаси “Турк оқими” газ қувурларини ҳам қамраб олиш эҳтимоли бор. Мақолада Колумбия университетининг Глобал энергия сиёсати маркази ходими Ричард Невью бундай дейди: “Қонун лойиҳасига мувофиқ, санкцияларга Россия газининг экспорт қилиш учун қувурларни 30 метр чуқурликда ўрнатаётган барча кемалар дучор бўлади, санкциялар Қора денгиз орқали Россиядан Туркияга йўналтирилган “Турк оқими” газ қувурларини қуришда қатнашган кемаларни ҳам қамраб олиши мумкин”.

 Трамп ҳукуматга келганидан сўнг АҚШ ўз иттифоқчилари ва малайларига мана шундай қарши ҳаракатлар қилмоқда. Сабаби, капитализмда шахслар ёки давлатларни ҳаракатга келтираётган нарса дўстлик ё бошқа нарса эмас, балки, фақат фойда, манфаатдорликдир. Албатта, бу нарсалар дунё тартибини ҳалокатга қараб кетаётганидан бир нишона, Трамп эса бу жараённинг “тезлатгичиси”дир.

LEAVE A REPLY

Please enter your comment!
Please enter your name here