Трамп: Сурияда қолган ишни Эрдоған қилади
АҚШ президенти Доналд Трамп расмий Тwиттер саҳифаси орқали Сурия масаласида, яъни АҚШ ҳарбийларини у ердан олиб чиқиш қарори ва Туркия президенти Ражаб Тоййиб Эрдоған билан ўтказган телефон суҳбати ҳақида маълумот берди. Трампнинг таъкидлашича, Сурияда ИШИДнинг қолган-қутганини тозалаш учун зарур бўлган барча ишлар Эрдоғанга топширилган.
“Туркия президенти Эрдоған Сурияда ИШИДдан қолганларни бартараф этиш учун нима керак бўлса қилиши ҳақида менга етарли тарзда маълумот берди. У бу ишни ортиғи билан бажарадиган кишидир. Бундан ташқари Туркия (Суриянинг) ён қўшниси. Бизнинг аскарлар эса уйга қайтаяпти”, дея баёнот берди Трамп.
Президент Эрдоған билан Телефон орқали суҳбат олиб борганлиги ва музокаралар ўтказганлигига доир бир неча кун аввал баёнот берган Трамп, суҳбат чоғида у билан ИШИД ташкилоти, Суриядаги қўшма ҳаракат, АҚШ ҳарбийларини у ердан олиб чиқилиши ва икки мамлакат ўртасидаги савдо муносабатлари муҳокама қилганлигини айтган эди.
Оқ Уйдан берилган баёнотда эса, Трампнинг бу қарори Эрдоган билан ўтказган суҳбатга алоқаси йўқлиги ва Трамп Сурия ҳақида қарорларни Эрдоғансиз ўзи қабул қлиши ҳақида айтилган эди.
