Собиқ президентлардан даҳлсизликни олиб ташлаш бўйича қонун лойиҳаси ишлаб чиқилди
Қирғизистон парламенти қўмитаси собиқ президентлардан даҳлсизлик мақомини олиб ташлаш бўйича қонун лойиҳасини қўллаб-қувватлади. Мазкур қонун қабул қилинадиган бўлса, собиқ президент Алмазбек Атамбаевни суд жавобгарлигига тортиш учун имконият пайдо бўлади.
27 ноябр куни парламентнинг қонунчилик, давлат тузилмалари ва суд масалалари қўмитаси қонун лойиҳасини қувватлаб, муҳокама ва тасдиқ учун парламентга тақдим этди.
Мазкур қонун лойиҳаси собиқ президент Алмазбек Атамбаевнинг амалдаги президент Сооронбай Жээнбеков билан муносабатлари кескин совуқлашган бир пайтда ишлаб чиқилди.
Қирғизистонни 2011 йилдан 2017 йилгача бошқарган Атамбаев бир неча кун аввал Жээнбековга қарши мухолифатга ўтганини эълон қилган эди.
Жээнбеков ҳокимият тепасига келганидан кейин, Атамбаевнинг яқин маслакдошлари бўлган собиқ бош вазирлар Сапар Исақов ҳамда Жанторо Сатибалдиев коррупцияда айбланиб қамоққа олинди, Атамбаевга яқин бўлган бошқа бир неча расмий ишдан олинди.
Шундан сўнг Сооронбай Жээнбеков билан ўтган йили президентликни топширган Алмазбек Атамбаев ўртасидаги муносабатлар ёмонлашиб кетган эди.
Туркистон:
“Қилмиш – қидирмиш” деганларидек, Қирғизистонда ҳам бирорта президент жиноий жавобгарликка тортилмай қолмаяпти. Лекин янги келган президентлар яна аввалгиларидек жиноий фаолиятни давом эттириб боришяпти. Нега шундай бўляпти!
Одамлар ва сиёсатчилар бу ҳолатдан қутилиш мақсадида, бошқа янги етакчи излаяпти-ю, аммо аввалгисидан фарқ қилмайдиган, балки унданда қабиҳроғига рўбаро келиб қолишяпти. Нега шундай бўляпти! Нега ҳаётда инсоний томондан унчалик ёмон кўринмаган сиёсатчи шахс, етакчиликка келиши билан қотил, коррупционер ва яна бошқа салбий хусусиятларга бой шахсияга айланиб қоляпти! Қачонгача шу тариқа, ҳар сафар янгисидан умид қилиб, салтанатни сиёсатчиларнинг нафсларига ташлаб қўяверамиз, қачонгача мамлакат ва уммат мулкини куфрга талон тарож қилдириб, ўзимиз уларнинг зулмлари остида яшаб юраверамиз?!
Муаммонинг илдизи ички сиёсатимизда эмас. Балки ташқи оламий системанинг бизлар учун белгилаб берган бошқарув системасининг касофати сабабли шундай бўлмоқда. Улар бу ерларда жиноят қилиб қочиб кетган етакчиларимизни қайтариб беришмайди. Халқни чалғитиб куфр манфаатини жорий қилганм ва шу билан бирга ўз манфаатларини ҳам қўлга киритиб олган аввалги етакчиларни ҳатто суднинг ҳукмидан кейин ҳам бизга қайтариб беришмаяпти. Яъни аввалги президентларимизнинг жиноятлари судда исботланганидан кейин ҳам бизга қайтариб беришмади. Бизнинг сиёсатчиларимиз куфр халқаро сиёсатнинг бу ечимидан ҳатто хафа бўлишгани ҳам йўқ. Демак дунё системаси, етакчи мамлакатлар манфаати учун хизмат қилади. Етакчи мамлакатлар эса, ўзларига хизмат кўрсатган манқурт хизматкорларини (президентларимизни), хиёнат қилган мамлакатларига топшириб бермайди. Бу система, кейинги келган манқурт хоин сиёсатчи учун ўз хиёнатида хотиржамлик ва ишонч бағишлайди.
Мазкур сиёсий элита эса, кейинги етакчини яна аввалгиси сингари хиёнатларидан таажжубланиб, қаердан хатолик кетди экан деб, ички сиёсиё бошқарув системасини яна қандайдир ислоҳотлар қилиб ўзини ҳам, уларга эргашган фуқороларни ҳам алдаб бораверади!
