Трамп Россия, Хитой ва КХДР таҳдиди сабабли разведка ҳамда жосусликка ҳаражатларни оширди

502
0

Трамп Россия, Хитой ва КХДР таҳдиди сабабли разведка ҳамда жосусликка ҳаражатларни оширди

 АҚШ президенти Дональд Трамп разведка амалиётлари, жумладан, Россия, КХДР ва Хитойга қарши қаратилган жосуслик фаолиятини молиялаштириш ҳажмини кескин оширди. Бу ҳақда Fox News телеканали АҚШ Мудофаа вазирлиги ва Миллий разведкаси томонидан эълон қилинган ҳужжатларга асосан хабар бермоқда.

 Бюджет оширилиши Трампнинг ахборот урушига нисбатан “тажовузкор ёндашуви”дан далолат беради. Пентагон айнан шундан келиб чиқиб янги киберхавфсизлик стратегиясини тақдим этди, АҚШ Адлия вазирлиги эса киберхавфсизлик бўйича, жумладан, маълумот сизиб чиқишининг олдини олиш учун манзилли гуруҳ ташкил қилди.

 Ўтган молиявий йил давомида АҚШ фуқаролик ва ҳарбий разведка амалиётларига 81,5 миллиард доллар сарфлади. Бу бир йил аввалги кўрсаткичга нисбатан 11,6%га кўп, дейилади материалда. Улардан 59,4 миллиарди МРБ, МХА ва ФҚБ бўлинмаларини қамраб олувчи Миллий разведка дастурига ажратилган. Ўтган йилги рақамлар билан солиштирганда, бюджет 5 миллиард долларга кўпайди.

 Буларнинг бари АҚШ сармояни кўпайтириш орқали, ўзининг энг катта рақиблари билан киберурушга тайёргарлик кўраётганини кўрсатди, дея таъкидланади материалда.

 2016 йилги президентлик кампанияси вақтида деярли барчанинг кулгисига қолган Трамп Хитой жосуслиги рус хакерлари каби жиддий таҳдидга эга эканини айтган ва келаси йили, Россия президенти Владимир Путин билан “бузиб кириб бўлмайдиган киберхавфсизлик бўлинмаси” ташкил этишни таклиф қилганди. Ҳозирги ҳаражатлар унинг турли эҳтимолий таҳдидлар бўйича эски ташвишларини кўрсатади.

 Разведка ва жосуслик фаолиятига ҳаражатлар Трампнинг эҳтимолий кибертаҳдидлар бўйича узоқ муддатли ташвишларини акс эттиради, дея қўшимча қилади Fox.

LEAVE A REPLY

Please enter your comment!
Please enter your name here