Қирғизистон: «БМТни ислоҳ қилиш лозим»
Қирғизистон президенти Сооронбай Жээнбеков Бирлашган Миллатлар Ташкилотини ислоҳ қилиш зарурлигини таъкидлади. Жээнбековнинг таъкидлашича, БМТни ўзгартириш ҳозирги кунда мавжуд ҳақиқатдир, воқелик ва замон шуни талаб қилмоқда.
“Ташкилотимиз ислоҳотга муҳтож. Бу ислоҳот универсаллик, кенг географик вакиллик ва БМТга аъзо давлатларнинг имкони борича энг кучли қўллаб-қувватлашига таянган ҳолда бўлиши керак. Аслида бу мавжуд воқелик ва замон талаби ҳисобланади”, деди Жээнбеков.
Анадолу хабар агентлигининг хабарига кўра, АҚШнинг Нью-Йорк шаҳрида ташкил этилган БМТ Бош Ассамблеясининг 73 йиғилишига иштирок этган Жээнбеков, Бош Ассамблеяга хитоб қилиб, замонавий муаммолар ва таҳдидларга қарши янги халқаро механизмларини яратиш зарурлигини таъкидлаган.
Қирғизистон БМТнинг тинчлик, глобал хавфсизлик ва барқарор ривожланиш мақсадларига ўз ҳиссасини қўшиш ниятида эканлигини қайд этган Жеенбеков “БМТ Хавфсизлик Кенгашига сайланмаган мамлакатларнинг қўллаб-қувватлови, унга аъзо бўлган давлатларнинг тенг ҳуқуқлилигига ишонч уйғотади ва шу билан ташкилотнинг ишончлилигини яна ҳам кучайтиради» дея қўшимча қилди.
Жээнбеков, Марказий Осиёда сув ва энергетика захираларидан фойдаланиш учун янги лойиҳалар ишлаб чиқиш кераклигини ҳам айтиб ўтди.
