Трамп Ислом ўлкаларининг раҳбарларини таҳқирлаб баёнот берди

490
0

Трамп Ислом ўлкаларининг раҳбарларини таҳқирлаб баёнот берди

АҚШ президенти Доналд Трамп Ислом ўлкаларининг раҳбарларини очиқ таҳқирлаган ҳолда баёнот берди. Трамп бу баёноти билан Ислом ўлкаларининг раҳбарлари билан менсимай муомала қилишини ва истаган вақтда уларни ерга уришини, улар эса ўз халқларини олдида оғир оҳволга тушиб қолса ҳам, Трампнинг истагини амалга ошириш учун унинг амрига итоат қилишини ошкор қилди. Унинг таъкидлашича, Ислом ўлкаларининг раҳбарлари Қуддус масаласига тегишли қарорлар ҳақида Трамп билан телефон орқали гаплашишни хоҳлаган пайтда, Трамп улар билан гаплашишни кейинга сурган, сўнг эса ўзи телефон қилиб, уларни масхара қилган.

“Қироллар, президентлар ва диктаторлардан телефон қўнғироқлари келарди. Ҳаммасидан телефон қўнғироқ келарди. Мен нима учун қўнғироқ қилаётганлигини билганлигим учун, “уларга кейинги ҳафта ўзим телефон қилишимни айтиб қўйинглар” дер эдим. Сўнгра уларга ўзим қўнғироқ қилиб, “бу ҳақда бундай ҳис туйғуга эга эканлигингизни билмаган эдим, Энди жуда кеч бўлди”, деб айтдим”, деди Трамп АҚШнинг Тел-авивдаги элчихонасини Қуддусга кўчириш ҳақида берган баёнотида.

Трамп ўзидан аввалги кўп президентлар АҚШ элчихонасини Қуддусга кўчиришга ваъда берганлиги, аммо уларнинг ҳеч бири ўз ваъдасини бажармаганлигини билдирди. Унга кўра, ўзидан аввалги президентлар бу борада ташқи давлатлардан катта босим остида қолган.

 “Мен бунинг сабабини тушунаман. Вақти келиб, одамлар бу ҳақида миш-мишларни эшита бошлаганда, дунёнинг ҳар тарафидан менга ёлворган, бундай қилмаслигимизни истаган президентларнинг қўнғироқлари қалашиб кетди. Мен эса уларнинг қўнғироқларига ҳеч жавоб бермадим. Иш битгандан сўнг уларга ўзим қўнғироқ қилдим”, дея мақтанди Трамп.

АҚШнинг Тел-Авивдаги элчихонасини Қуддусга кўчирилишидан энг куп хурсанд бўлганлар, протестант насронийлар эканлигини билдирган Трамп “Мана биз буни амалга оширдик. Бу билан фахрланамиз, бундан баҳраманд бўлинг” – дея кўкрак керди.

LEAVE A REPLY

Please enter your comment!
Please enter your name here