Қирғизистон бош вазири коррупцияда айбланган Бишкек мэрини истеъфога чиқарди
Қирғизистон бош вазири Муҳаммадкали Абилгазиев миллий хавфсизлик давлат қўмитаси ходимлари томонидан қўлга олинган Бишкек мэри Албек Ибраимовни вазифасидан озод қилди, деб хабар берди “Интерфакс”.
Агентлик суҳбатдошининг айтишича, Ибраимов Бишкек шаҳар кенгаши унга бир овоздан ишончсизлик билдиргач лавозимидан бўшатилган.
Мэр пайшанба куни коррупция ва маблағларни ноўрин сарфлашда гумонланиб ҳибсга олинди.
Ибраимов собиқ президент Алмазбек Атамбаев даврасидаги яқин кишилардан бўлиб, у Сооронбай Жээнбеков президент этиб сайланганидан сўнг ўз лавозимида қолган сўнгги мансабдор эди. У 2012-2013 йилларда президент девони раҳбарининг ўринбосари бўлиб ишлаган, 2016 йил февралда Бишкек мэри этиб сайланганди.
