Трамп божхона солиғига қарши бўлган давлатларни огоҳлантирди

498
0

Трамп божхона солиғига қарши бўлган давлатларни огоҳлантирди

АҚШ президенти Доналд Трамп Американинг пўлат ва алюминий импортига киргизган янги божхона тўловларига қаршилик кўрсатишни режалаштираётган баъзи давлатларни “Агар улар бунга қарши чиқсалар катта хатога йўл қўйган бўлишади”, дея огоҳлантирди.

Трампнинг таъкидлашича, бошқа мамлакатлар АҚШга кириб келаётган импорт маҳсулотларига нисбатан солиқ имтиёзларидан ўнлаб йиллар мобайнида фойдаланиб келган. Энди ўша мамлакатлар ўз навбатида АҚШ экспорт қилган товарларни ўзларининг бозорларига адолатли ва тенг ҳуқуқли тарзда кириб боришини таъминлашлари лозим.

Шунингдек президерт Трамп Америка Қўшма Штатлари ва бошқа давлатлар ўртасидаги ташқи савдодаги тилга олинган “тенгсизлик” Американинг собиқ раҳбарларининг хатоси туфайли юзага келганлигини билдирди. Унга кўра, энди бунга йўл қўйиб бўлмайди.

“Биз АҚШ давлати сифатида ўтган йили савдода 807 миллиард доллар зиён кўрдик. Бу қабул қилиш мумкин бўлмаган ҳолатдир. Аслида бунга улар эмас, бизнинг раҳбарларимиз айбдор. Ўз мамлакатлари учун жуда яхши, лекин АҚШ учун жуда ёмон бўлган бу савдо шартномасига имзо чектиришни уддалаганлиги учун бошқа мамлакатлар раҳбарларини табриклайман. Аммо у кунлар энди ортда қолди”, деди АҚШ президенти.

LEAVE A REPLY

Please enter your comment!
Please enter your name here