Туркиянинг норозилиги АҚШнинг назарида заррача қийматга эга эмас

543
0

Туркиянинг норозилиги АҚШнинг назарида заррача қийматга эга эмас

АҚШ бошчилигидаги коалиция 30 минг кишилик чегара хавфсизлик кучларини ташкил қилиш учун Суриядаги иттифоқчилари билан келишиб иш олиб бормоқда. Бу ҳақида ИШИДга қарши кураш бўйича Коалиция кучларининг жамоатчилик билан алоқа ўрнатиш бўлими маълум қилди. Хабарда айтилишича, янги тузилган чегара хавфсизлик кучлари 30000 кишидан иборат бўлади ва тахминан уларнинг ярми “Сурия демократик кучлари”дан ташкил топади. Иккинчи ярми эса ҳарбий машқдан ўтказилади. Ҳозирда тахминан 230 кишилик биринчи гуруҳни ҳарбий машқдан ўтказиш давом эттирилмоқда. Келишувга биноан янги тузулма “Сурия демократик кучлари”нинг қўмондонлиги остида бўлади. У шимолдан Туркия чегарасига, шарқдан Ироқ чегарасига ва Фурот дарёси водийсига жойлаштирилади.

“Сурия Демократик кучлари” Туркиянинг террорчилар рўйхатида биринчи ўринда турадиган Курд ишчилар партиясининг Суриядаги қаноти ҳисобланади. Шунинг учун Туркия ҳукумати АҚШнинг бу ҳаракатига ўз норозилиги билдирмоқда. Бироқ Оқ уй маъмуряти Туркия ҳукуматининг қаттиқ қаршилигига қарамай, “Сурия демократик кучлари”ни қўллаб қувватлашда давом этяпти. Ваҳолангки, Туркия ҳукумати АҚШнинг энг яқин иттифоқдоши ҳисобланади. Агар туркиянинг ёрдами бўлмаганда Пентагон Суриядаги режаларини асло амалга ошира олмаслигини АҚШ расмийлари ўз оғзи билан такрорлаб келади.

Америка Қўшма Штатлари ИШИДга қарши кураш баҳонаси билан “Сурия Демократик кучлари”ни оғир ва енгил қуроллар билан таъминлай бошалаган эди. Аммо ИШИД мағлуб этилганлиги даъвосига қарамай, ҳали ҳам бу ишни давом эттирмоқда. Бу эса, АҚШнинг “Сурия демократик кучлари”ни қўллаб қувватлашидан кўзлаган асосий мақсади Сурия халқининг исломий инқилобига тўсиқ қўйиш ва сиёсий муҳитни тўлиқ ўз қўлига олиш эканлигини кўрсатади.

LEAVE A REPLY

Please enter your comment!
Please enter your name here