Атамбаев: Қозоқ миллиардерлари ўз келажаги ҳақида ўйламоқда

656
0

Атамбаев: Қозоқ миллиардерлари ўз келажаги ҳақида ўйламоқда

 Алмазбек Атамбаев 18 октябр куни “Ала-Арча” давлат қароргоҳида президент стипендиантлари олдида сўзлаган нутқида маълум қилишича, сўнгги йилларда Қозоғистоннинг ҳаракати Евроосиё иқтисодий иттифоқини қулатишга йўналтирилган.

 Унинг таъкидлашича, президент Назарбоевнинг атрофидаги шахслар бу – олигархлар, қозоқ миллиардерлари бўлиб, улар Қозоғистон ва Назарбоев ҳақида эмас, балки ўз келажаги ҳақида ўйламоқда.

 “Сабаби Ғарбдаги барча банкларда ўзларининг миллиардлаб маблағлар бўлган ҳисоблари бор, улар АҚШ валюта тизими орқали назорат қилинади. Уларда ҳозир битта вазифа: Қоғозистонда ҳукумат ўзгарганда ўзлари билан яхши муносабатда бўлишлари учун ҳаракат қилиш”, – деди Атамбаев.

 Президентнинг сўзларига кўра, Қозоғистонда олигарх ҳукуматнинг вазифаси умуман бошқа.

 “Сўнгги қарор – Қозоғистонда кириллдан лотин алифбосига ўтиш бекорга қабул қилинмади. Бу Россиядан узоқлашиш. Бу Қозоғистон ва АҚШ денгиз-пиёда қўшинларининг Россия билан чегарадаги қўшма машқлари. Бугун шуни кўрмоқдамизки, Қозоғистоннинг ҳаракатлари бугун эмас, балки сўнгги бир неча йил давомида Евроосиё иқтисодий иттифоқини қулатишга йўналтирилган бўлган. Қирғизистондаги сайловлар Қозоғистон олигархлари ва Давлат департаментининг Қирғизистондаги таъсир кўрсатиш агентлари, маблағ олувчи барча ННТ – ҳаммаси бирлашганини аниқ кўрсатиб берди”, – дея таъкидлаб ўтди Атамбаев.

LEAVE A REPLY

Please enter your comment!
Please enter your name here