Эрдоған Трамп билан, Трамнинг вакили эса Эрдоғаннинг душмани билан учрашди

463
0

Эрдоған Трамп билан, Трамнинг вакили эса Эрдоғаннинг душмани билан учрашди

Туркия президенти Ражаб Тоййиб Эрдоған Вошингтонда АҚШ президенти Доналд Трамп билан учрашув ўтказаётган бир пайтда Трампнинг ИШИД масаласи бўйича махсус вакили Бретт Макгерк бошчилигидаги америкалик делегация ЙПГ террорчилари билан учрашди. Суриянинг Кобани шаҳрида ўтказилган Макгеркнинг мазкур учрашуви ҳақидаги хабарлар ва фотосуратлар Курт интернет сайтларида ва ижтимоий тармоқларда кенг тарқатилди.

Эътиборли жойи шундаки, АҚШ делегацияси учрашувида РКК (курт ишчилар партияси)нинг машҳур намоёндаларидан бири “Шаҳин Чило” лақабли Абди Фарҳод Шаҳин ҳам иштирок этди. Туркия бу шахсни ўзининг ашаддий душманлари сафига киритиб, унинг бошига тўрт миллион лира пул мукофоти белгилаган. Яна бу шахснинг Трамп вакилининг ёнгинасида ўтириши ҳам эътиборга моликдир.

Туркистон:

Эрдоған АҚШга йўл олишидан аввал “Трамп билан учрашиб, сўнги қароримизни белгилаймиз. Агар иттифоқдош бўладиган бўлсак, иттифоқ доирасида қарор қабул қилишимиз лозим. Иттифоқимиз четга суриладиган бўлса, биз ҳам ўз билганимизни қиламиз”, деган эди. Шунингдек, Трамп ПЙДни оғир қуроллар билан таъминлаш қарорини тасдиқлаган пайтда Эрдуғон “бу борадаги хавотирларимизни жаноб Трампга шахсан ўзим тушунтираман”, деган эди.

Бироқ воқелик шуни кўрсатмоқдаки, Трамп Эрдоған билан учрашган вақтда Трампнинг вакили Туркиянинг қора рўйхатида бўлган шахслар билан учрашув ўтказди. Зеро бу даврда ўтказилган учрашув – гарчи Туркия вой деса ҳам, дод деса ҳам – Эрдоған террорчи гуруҳ деб атаётган ЙГПнинг зимнан АҚШ қаноти остида эканлигини кўрсатади. Туркия эса АҚШ билан стротегик ҳамкорлигини давом эттиришга ва Барзоний билан бўлгани каби бунга ҳам кўникишга мажбурдир.

LEAVE A REPLY

Please enter your comment!
Please enter your name here