АҚШ: Бизни Туркия ва Россиянинг алоқалари эмас, балки Турк халқининг АҚШга нисбатан нафрати хавотирга солмоқда

448
0

АҚШ: Бизни Туркия ва Россиянинг алоқалари эмас, балки Турк халқининг АҚШга нисбатан нафрати хавотирга солмоқда

Туркия президенти Ражаб Тоййиб Эрдоған билан Россия Президенти Владимир Путин қарийиб 9 ойлик танаффусдан сўнг биринчи марта юзма-юз учрашувлари ортидан Оқ уй ҳам мазкур учрашувга ўз муносабатини билдирди. АҚШ Ташқи ишлар вазирлигининг сўзчиси Элизабет Трудеау кундалик матбуот анжуманида Туркия ва Россиянинг олий даражадаги учрашуви ҳақидаги саволларга жавоб берди.

Трудеау журналисларнинг саволларига жавоб берар экан, Эрдоған ва Путин учрашувининг АҚШ-Туркия алоқаларига салбий таъсир қилмаслигини билдирди.

“(Туркия ва Россия ўртасидаги яқинлик) бизнинг Туркия билан бўлган муносабатларимизни заифлаштиради, деган шубҳамиз йўқ”, деди Трудеау.

Сўзчининг таъкидлашича, Вошингтонни Туркия ва Россия ўртасидаги муносабатларнинг яхшиланиши эмас, балки Туркияда айрим матбуот органлари ва мансабдор шахсларнинг Америка ҳақида бераётган баёнотлари ва бунинг натижасида Туркия халқининг АҚШга нисбатан нафрати кучайиб бораётгани хавотирга солмоқда.

 “Туркияда АҚШга нисбатан кучайиб бораётган норозиликлардан ташвишдамиз. Бу баёнотлар фойда келтиради, деб ўйламаймиз. Туркияда барча томонлар, оммавий ахборот воситалари, фуқаролик жамияти ва ҳукумат расмийлари ўз баёнотларида масъулиятли бўлади деган умиддамиз. Туркия билан бизнинг алоқаларимиз ва дўстона муносабатларимиз жуда кучлидир. Буни очиқ айтиб келяпмиз. Биз Туркия ҳукуматининг ёнидамиз”, деб жаво берди у матбуот анжуманида Туркияда АҚШга нисбатан кучайиб бораётган норозиликлар ҳақида берилган саволга.

LEAVE A REPLY

Please enter your comment!
Please enter your name here