Демократияни даъво қилаётган Қирғизистонда инсон ҳуқуқлари топталмоқда

426
0

 “Facebook” ижтимоий тармоғида тарқатилган хабарга кўра, 1986 йил 11 апрел куни Ўш шаҳрида туғилган Каримов Алишер Қирғизистон куч органлари бедодлиги ва қонун адолатсизлиги ортидан қарйиб бир йилдан бери асоссиз қамоқда ушлаб турилипти. Каримов Алишер икки фарзанднинг отаси бўлиб, хунармандчилик билан рўзғор тебратиб келган.

 Алишер Ислом динига қатъий амал қилиши, ҳақ устида собит туриши ва одамларни ҳам ҳақ йўлга чақиришда собитлиги билан куч органлари назарига тушгач, куч органлари унинг фаолиятига чек қўйишда асоссиз қамоққа ташлашдан бошқа чора топа олишмади.  

 Алишер 2015 йилнинг 28 март куни ўз юмушлари билан шағарда юрган вақтда Ўш вилояти ички ишлар бошқармасининг 10-бўлими ходимлари Тўланов Нурбек ва Икромжон ўғли Нурбеклар келишади ва ундан машинаг ўтиришни талаб қилишади. Алишер улардан нима учун машинага ўтириши кераклигини тушинтириб беришна талаб қилади. Куч органлари ходимларининг эса бундан жахллари чиқиб Алишерни куч билан машинага ўтказишади ва Оқ бура милиция бўлимига олиб кетишади. Бўлимга етиб боришгунга қадар Нурбек йўл бўйи Алишерни фахш сўзлар билан хакоратлаб, қаматиб юбориш билан таҳдид қилиб келади.

 Бўлимга етиб боришгач эса 6-7 киши бўлиб сўроқ қилишади. Алишер улардан қонун чегарасидан чиқмасликни ва адвокат чақиришларини талаб қилади, аммо улар бу талабларни қондиришмайди ва ундан қўл телефонини очиб беришни талаб қилишади. Алишер эса бу унинг шахсий мулки эканлиги, қачонки суддан санкция бўлсагина адвокат иштирокида очиб бериши мумкинлигини айтади.

 Қонунга амал қилиши ва қонунни барчага бирдек татбиқ этилишини назорат қилиши керак бўлган Нурбек ва Ғулом бошчилигидаги ходимлар Алишерни ҳар тарафдан калтаклай бошлашади. Чунки оддий бир мусулмоннинг ўз ҳақ-ҳуқуқларини талаб қилиши уларнинг ғазабини қўзғатиб юборган эди. Алишерни обдан калтаклаб чарчашганидан сўнг, “сен жуда қайсар экансан, қараб тур сени барибир қаматамиз”, деб бир ходим билан қолдириб чиқиб кетишади. Кечга яқин қайтиб келган 10-бўлим ходимлари Алишернинг уйидан варақа, диск ва ўқ-дорилар топилганини айтишади. Алишер эса “тергов пайтида хаммаси аён бўлади, у нарсалар меники эмас, меники бўлса уларда менинг бармоқ изларим бўлиши керак”, деб жавоб қайтаради. Терговчи Камилов Н.Тдан шу нарсаларни экспертизадан ўтказишни, яъни дактилоскопиялик экспертиза ўтказишни талаб қилади. Бироқ терговчи Алишернинг талабини бажармасдан, уни айбдор деб топиб тергов ишини тугаллайди. 2015 йил 3 апрел куни бўлиб ўтган суд Алишерни 2 ойга ҳибсга олиш тўғрисида санкция беради.

 Қамалганидан бери Алишер ўзининг ҳақ-ҳуқуқларини талаб қилиб жуда кўп давлат муассасаларига, жумладан, Президентга, Бош прокурорга ариза билан мурожаат қилади, бироқ уларнинг ҳеч биридан ижобий жавоб олмади. Кейинчалик бўлиб ўтган суд жараёнларида унинг уйидан топилган китоб ва нашралар экстремистик эканлиги тўғрисидаги диний бошқарма ходими Абдираимов Қанатбек Маманович тасдиқлаган қоғозлар рўкач қилинган, бироқ Алшер Қирғизистонда бундай текширув ўтказадиган мутахассис йўқлиги ва бундай ваколат ҳеч кимга берилмаганини айтиб, шунга яраша қонунда кўрсатилган моддаларни келтириб ўтади. Шундан кейин судя терговчиларга текшириш ишларини қонунда кўрсатилгандек бажаришни айтиб, суд ишини вақтинчалик тўхтатади.

 Бироқ, орадан қарийб бир йил ўтган бўлсада Бишкекдан китоб ва варақаларни ҳақиқатдан ҳам экстремистик эканлиги тўғрисидаги мутахассис хулосаси натижалари келмаяпти. Алишер эса бир йилдан буён оиласи ва фарзандларидан жудоликда, жирканч демократиянинг зиддиятли қонунлари, куч органлари ходимлари истебдодидан азият чекиб келмоқда.

 Қирғизистон ҳукумати эса ғарб давлатларидан арзимас садқа пулларини олиш илинжида Ислом ва мусулмонларга қарши курашиб, бу йўлда ҳар қандай инсоний ва аҳлоқий қийматларни бир четга суриб қўйиш орқали яна бир карра демократия нақадар жирканч ва тубан тузум эканлигини исботлаб бермоқда. Куч ишлатар идора ходимлари эса ўзларига берилган вақтинчалик ваколатдан туғёнга кетиб Қиёмат кунини ва унда бўладиган ҳисоб-китобни унитиб қўйишмоқда.

 Туркистон

LEAVE A REPLY

Please enter your comment!
Please enter your name here