Роя газетаси:
Собиқ Америка элчиси: Америка қурол сотиш ва урушлар оловини ёқишни бас қилмас экан, ер юзида тинчлик бўлмайди
Американинг собиқ элчиси Дэн Симпсон АҚШ сиёсий элитасидаги Вашингтон ташқи сиёсатини аёвсиз танқид қилувчилар қаторидан жой олди.
У ҳозирда «Pittsburgh Post-Gazette» газетасида бош муҳаррир ёрдамчиси сифатида фаолият қилмоқда. Симпсон жорий йил бошида ўзининг айни газетада чоп этилган «Америка қурол сотиш ва уруш оловини ёқишни бас қилмас экан, ер юзида тинчлик бўлмайди» номли мақоласида бундай дейди:
«Бошқаларнинг Қўшма Штатларга нисбатан тутган позициясини 2015 йил охирида ўрганиб чиқишим натижасида, биз юрт ичида ҳам, ташқарисида ҳам қотил миллат эканмиз, деган хулосага келдим. Истаймизми-йўқми, биз шундай донг таратдик. Мен учратаётган аксар хорижликлар бизни жинни деб билишади. Деярли ҳамма одамлар бизни халқаро ҳамжамият учун хавфли деб ҳисоблашади».
Симпсон АҚШнинг «Ўзимиз муносиб деб билган ҳукумат шаклини белгилаб бериш орқали ёки улар амалга оширишди деган нарсани баҳона қилиб, етакчиларини ўлдириш учун учувчисиз самолётларни юбориш ва бомбалар ёғдириш орқали» ўз истакларини тиқиштиришини айтар экан, бошқа давлатлар олдида бундан паноҳ сўраб, парвардигорларига илтижо қилишдан ўзга чоралари қолмаганини билдирди. У айни фикрларини исботлаш мақсадида Ироқ, Афғонистон ва Ливиядан то Ямангача бир қанча давлатларни мисол қилиб келтирди.
Симпсон ўз мақоласини хорижий давлатлардаги Америка кучларини олиб чиқиб кетишга чақириш билан тугатар экан, жумладан бундай деди: «Шундай қилмагунимизча, ер юзида тинчлик бўлмайди… Келинглар, қотиллар бўлмайлик» (Россия сегодня ахборот агентлиги).
Роя газетаси шарҳи:
Собиқ Америка элчиси Симпсон АҚШга нисбатан бошқа халқлардаги мавжуд салбий қарашларни очиқ ва аниқ гапирди. Аммо неоконсерваторлар кичик Жорж Буш бошчилигида бундай қарашларни яширишга уриниб келган. Масалан, Бушнинг «Нега бизни ёмон кўришади, ҳолбуки, биз яхши инсон бўлсак», дегани каби. Ўшанда неоконсерваторлар «Ёвуз одамлар Американи ҳам, унинг қадриятларини ҳам ёмон кўради ва бизнинг ютуқларимизга ҳасад қилади», деган гаплари билан Америкадаги жамоатчиликни чалғитишга уринган эди. Симпсон айтган ҳақиқат шундан иборатки, АҚШга нисбатан душманона қарашларга унинг олиб бораётган сиёсатлари сабабдир. Бу бошқаларни америкаликларни «қотил миллат», деб ҳисоблашларига олиб келмоқда. Американинг Афғонистон, Ироқ, Ливия, Ямандаги мусулмонларга нисбатан душманона сиёсат олиб бораётгани ҳамда «Исроил»ни изчил суратда қаттиқ қўллаб-қувватлаётгани, шуларнинг ҳаммаси мазкур қарашлар ортида турибди. Симпсон Америка мудом айни сиёсатда давом этар экан, дунёда тинчлик бўлмайди, дея изоҳлади. Биз унинг бу гапларига қўшимча қилмоқчимиз: Америка сиёсатлари ортида яширинган сабаб мана шундай душманона сиёсатларни ижро этаётган бошқарувдаги мавжуд шахсларгагина чекланмайди. Балки бунинг ҳақиқий сабаби ҳаётни манфаат, дея тасвирлайдиган Ғарб ҳазоратида яширинган. Мана шу нарса Ғарб ҳазоратига асосланган давлатларни мустамлакачи давлатларга айлантирди. Улар моддий қийматдан ўзга қийматларни сариқ чақага олмайдиган бўлишди. Дунё ва дунё тинчлигига нисбатан реал хавф Ғарб ҳазоратидан келади. Америка, Британия, Франция каби давлатлар ҳам мана шу ҳазорат устига қурилган бўлиб, бу ҳазоратдан келиб чиққан сиёсатлар бутун дунё халқларига бало-офат бўлди ва ҳамон бало-офат бўлиб қолмоқда.
Роя газетасининг 2016 йил 6 январ чоршанба кунги 59-сонидан
