Риёз конференцияси: шомдаги уммат қўзғолони бошдан кечирадиган навбатдаги машаққат
Сўнгги икки ой мобайнида Америка босиб ўтган босқичлар муваффақиятсизлик билан якун топди. Айниқса, жинояткор режимга мустаҳкам пойдевор ўрнатиб бериш учун Америка ўзининг сўнгги кузир қартасини ишга солиши, яъни Россиянинг ҳарбий аралашувига рухсат бериши билан режимнинг заифлиги очиқ кўриниб қолди. Мана шулардан сўнг Вена конференцияси бўлиб ўтди. Унда йиғилганлар зудлик билан муборак Шом қўзғолонидаги болалар кўрсатаётган ғайратчалик ғайратга ҳам эга бўлмаган заиф мухолафатни бирлаштиришга келишиб олишди. Натижада, бу Саудия томонидан чақирилган Риёз конференцияси бўлди.
Конференцияга тайёргарлик суръат билан бошланди. Унга айни масалага алоқадор ва ундан манфаатдор бўлган фуқарою ҳарбий доиралар чақирилди. Қўзғолонни сариқ чақага сотиш мўлжалланган бундай конференцияда ҳозир бўлишлари учун бир неча томонга чақириқ юборилди: жумладан, малайлик даражасини қўлга киритиш учун аъзолари орасида тезлик билан ўзаро мусобақа бошланиб кетган Америка коалициясига, миллий координацион ҳайъатга, шунингдек, Шом заминидаги бир неча гуруҳлар ва қўмондонларга чақириқ юборилди.
Америка, Британия, Россия, Бирлашган Араб Амирликлари, Қатар, Миср, Туркия, Саудия, Уммон ва Ироқдан конференция доирасида қандайдир камчилик содир бўлган пайтда аралашишлари учун вакиллар талкиф қилинадиган бўлди.
Айни Конференция Қўшма Штатлар, Россия, Саудия ва Эронни ўз ичига олган 17 давлат томонидан Суриядаги сиёсий ўтиш даври жараёнига оид йўл харитаси қабул қилинганидан кейин ўтказиладиган бўлди. Конференция кун тартибида «Женева-1» ва «Женева-2» каби конференцияларда аввалдан келишилган ва Вена конференциясида таянилган бир неча асосий масалалар муҳокама этилади. Бу масалалар конференцияни молиялаштирган давлатлар ташқи ишлар вазирлари ўзларининг матбуот конференцияларида тез-тез тилга олаётган, масалан, Сурия давлати илмонийлигини ҳамда давлатнинг армия ва хавфсизлик хизмати каби асосий органларини сақлаб қолиш, бу сиёсий ечимга қарши чиққан ҳар бир кишига қарши курашиш, шунингдек, жабҳалардаги жангларни тўхтатиш… каби масалалардир.
Ушбу Риёз конференциясияга чақириқ Шом қўзғолони қарийб беш йилдан буён ҳатто статистикалар ҳам санаш ва қайд этишга ожизлик қилаётган беҳисоб қурбонларни бераётган бир пайтда янграмоқда. Бу қаҳрамон, сабрли, холис халқ шунча қурбонлар бергани учун тақдирланиш ўрнига, ушбу конференция билан, яъни мана шу қурбонликларининг барчасини сариқ чақага сотиб юбораётган конференция билан унга зарба берилмоқда. Айниқса, Шом аҳли кучли меҳнат қилиб етиштириб чиқарган айрим гуруҳларнинг қаттол режим билан музокара столига ўтиришга розилик бериши унга энг қаттиқ зарба бўлиб тушди. Ҳа, сув келтирган хору зор, кўза синдирган азизми?!
Биз Шом аҳли ўз бағрига олган ва уларнинг ҳимояси йўлида шунча қийинчиликларга учраган кишиларга шундай мурожаат қиламиз: Бу Шом аҳли сизга топширган омонатдир. Бас, Аллоҳга, Росулига ва мана шу омонатга хиёнат қилманг. Алал оқибат сизларнинг уларга мукофотингиз шуми, сизларга тақдим қилган шунча яхшиликларини сариқ чақага пуллаб юборишга рози бўласизларми?!
Эй Шомдаги аҳлимиз!
Мана, сизга навбатдаги тил бириктирув. У сизнинг тинчлик ва хавфсизликка бўлган эҳтиёжингиздан фойдаланиб қилинаётган тил бириктирувдир. Аллоҳга қасамки, бу фитнага Аллоҳга таваккал қилиш, Унинг мустаҳкам арқонини маҳкам ушлаш ва сабр қилиш билангина бу фитнага қарши туролмайсиз. Чунки мусибатингиз ғоят оғир, кулфатингиз улкан ва сиз тоғу тошлар ҳам кўтаришга ожизлик қиладиган аҳволдасиз. Бироқ Аллоҳ Субҳанаҳу сизни Ўз кафиллигига олган ва бу ҳақда нафс-ҳавосидан гапирмайдиган зот
«إنَّ اللهَ قَدْ تَكَفَّلَ لِي بِالشَّامِ وِأَهْلِهِ»
«Аллоҳ мен учун Шом ва унинг аҳлини Ўз кафиллигига олди», деганлар. Бас, шундай экан, онгли-идрокли бўлинг, ўзингизга қарши тўқилаётган фитналарни иҳота этиб, уларни фош этинг ва йўқ қилинг. Умматингиз сиздан мана шундай аҳд олган.
Абду Далий қаламига мансуб
Роя газетасининг 2015 йил 9 декабр чоршанба кунги 55-сонидан.
