Сурия миллий коалицияси Истамбулда 19 умумий кенгаш ташкил қилди. Уч кун давом этган кенгашда Сурия масаласини ҳал қилиш учун йўл харитаси тайёрланганлиги ва сиёсий ечим учун ўн уч моддадан иборат “Лойиҳа матни” қабул қилинганлиги маълум қилинди.
Сурия миллий коалициясининг матбуот офиси эълон қилган лойиҳа матнида БМТ назорати остида янгидан музокаралар бошлаш лозимлиги урғуланди. Бу музокаралар Женева-2 конференцияси ва БМТ хавфсизлик кенгашининг 2012 йилда қабул қилган 2042, 2043 ва 2059 сонли қарорига таянган ҳолда амалга оширилиши белгиланди. Мазкур қарорда ҳарбий назоратчиларнинг Сурияга киритилиши кўзда тутилган.
“Лойиҳа матни”да келтирилган “сиёсий ечим жараёни”дан Асад режимининг ўзгариши ва унинг ўрнига демократик бир тузум олиб келинишини мақсад қилинганлиги қайд этилди. Шунингдек, унда музокалардан кўзланган асосий мақсад Женева 1 конференциясининг барча моддаларини, хусусан бошқарув-ижроийя салоҳиятига эга “муваққат ҳукумат” ташкил қилиш моддасини амалда ижро қилиш эканлиги илова қилинди.
Сурияда ягона қонунийликка эга бўлган ташкилот сифатида қабул қилинган “муваққат ҳукумат” ташкил қилингандан сўнг унинг вазифалари ҳам белгиланди.
Шунга кўра, юқорида айтиб ўтилган “муваққат ҳукумат” бир неча вазифаларни ўз зиммасига олади. Жумладан, миллий ярашув конференцияси ташкил қилиш учун керакли механизмни ишлаб чиқиш, БМТ ва нодавлат ташкилотлари кузатуви остида сайловлар ва референдумлар ўтказишни таъминлаш, халқнинг ўтиш даврига иштироқ этишини таъминлайдиган қадамларни ташлаш, террор ва жанглар ниҳоя топиши учун стротегия белгилаш, қабул қилган қарорларининг мослашуви учун Сурия миллий коалицияси билан ҳамкорлик қилиш каби.
Матнда сайлов билан белгиланадиган “ижроия қўмитаси” иш бошлаши биланоқ “муваққат ҳукумат” бекор қилиниши алоҳида қайд этилди.
2012 йил Женевада ташкил қилинган биринчи конференциянинг баёнотида Сурияда ўт очишни тўхтатиш, маҳбусларни озод қилиш, қамал остидаги минтақаларга инсоний ёрдамлар киритишга рухсат бериш, журналистларнинг бемалол фаолият олиб бориши ва халқнинг тинч намойиш ўтказиши ҳуқуқини кафолатлаш каби барча салоҳиятга эга “муваққат ҳукумат” ташкил қилиш олға сурилади.
